سوالف البنات على المسن ههه

السلام عليكم
تبغون تشوفون سوالف البنات في الماسنجر تعالوووووووووو

البنت
السلام عليكم زائر
زائر
عليكم السلام
اهلين وسهلين
البنت
كيف حالك ان شاءالله انك بخير وطيب واهلك كلهم بخير وامك وخواتك وجدتك وعماتك وخالاتك وشغالتكم ان شاءالله انكم بخير
زائر
انا بخير الله يسلمك وش اخبارك انتي
البنت
الحمدلله طيبه بس الدراسه مش ولابد والشغاله بتسافر وشايله هم تغسيل المواعين وابوي راح اليوم وبنشر كفر سيارته وامي اشترت اغراض ونستها في المحل وعمتي مزكمه وخالتي يقولون عندها انفلونزا الدجاج وانا محتاره كثير مااعرف اي تخصص اختار
زائر
ان شاءالله انك دوم بخير
البنت
زائر ابقولك شي بس امانه انك ماتقول لاحد
زائر
تفضلي قولي
البنت
قول قسم بالله مااعلم احد
زائر
اقسم بالله مااعلم احد
البنت
قول عساني بكل امراض الدنيا اذا علمتك احد
زائر
عساني بكل امراض الدنيا اذا علمت احد
البنت
حط اصبعك في فمك وحطها على رقبتك وقل عسى رقبتي تنقطع اذا قلت لاحد
زائر
اقول خلاص الله يخليك بطلت ماابي اعرف شي ولاتعلميني شي
البنت
لالا خلاص انا مصدقتك ابعلمك
زائر
يالله قولي
البنت
شفت فلانه
زائر
ايه اعرفها وش فيها
البنت
تراها تقول انك انت تكره البنات ولا تحبهم
زائر
مو عارف وش يقول بس جلس يردد في نفسه الله ياخذك نشفتي ريقي علشان بتحشين في صديقتك
جد ماللبنات خاتمه
-----------------
الاعلانات التجاريه
----------------
خالد الغرام
سلاااااااام
زائر
عليكم السلام
خالد الغرام
اقوووول زائر
زائر
هلا بولد الغرام امر تدلل
خالد الغرام
الحين وشلون اعرف الي حاظرني في الماسنجر
زائر
وانا وش دراني
بس اشوف رايق متصل تعال نضيفه ونسأله
خالد الغرام
اوكي ابضيفه الحين
‏‏تمت إضافة رايق إلى المحادثة.
زائر
هلا بأحلى طوني في الشرق الأوسط
رايق
هلا والله زائر
خالد الغرام
ههههههههههههههه
زائر
ابو عرام ليش تضحك
رايق
يمكن فرحان لاني جيت
خالد الغرام
لا
بس قريت نكته وضحكتني
زائر
وشهي ياولد الكورن فلكس
رايق
قولها خلنا نضحك معك
خالد الغرام
فيه محشش سألوه وش اسماء اخوانك
قال كلهم محمد الا فيصل اسمه خالد
رايق
ههههههههههههههههههههههههه بايخه
زائر
هههههههههههههههههه مثل وجهك يابو عرام
خالد الغرام
الشرهه مو عليكم
الشرهه على الي يجلس معكم
يالله باي
تمت مغادرة خالد الغرام من المحادثة.
رايق
وش فيه زعل هالبزر
زائر
انا من شفته يفطر كورن فلكس وانا غاسل يدي منه
رايق
زائر انت من جدك ولاتمزح
زائر
ايه والله من جدي
هو الي قالها مره وشكله ندم
رايق
هذا لو عندنا في الشمال يذبحونه
زائر
ودي يجي للرياض واوديه منفوحه وانزله وامشي
رايق
ههههههههههههههه وربي مايرحمونه
زائر
هههههههههه بيقطعونه حته حته ويعطون بقاياه للبزارين هناك
رايق
تراه موريني صورته اول
زائر
كيف شكله
رايق
بصراحه احلى من زينب العسكري
زائر
هههههههه اخس ياولد الغرام
رايق
ودي اعزمه يجي عندنا بس خايف عليه
زائر
خايف عليه من ايش
رايق
يوووووووووه لو يشوفونه في المطار
بتصير مظاهرات عندنا
------------------
عدنا
-----------------
البنت
السلام عليكم
زائر
عليكم السلام
البنت
كيفك اخوي ان شاءالله بخير
زائر
الحمدلله انتي كيفك
البنت
والله بخير بس عندي طلب واتمنى انك ماتردني
زائر
ولايهمك اختي اطلبي
البنت
الله يخليك بصراحه لو تردني اخاف انصدم واتعقد ويجيني اكتئاب ماعاد يروح
زائر
ان شاءالله مايصير الا خير بس اطلبي
البنت
فيه وحده من صديقاتي انا عازمتها في المنتدى
ابيك ترفع رصيدها من المشاركات علشان تقدر تستخدم الرسايل الخاصه
زائر
طيب ولايهمك الحين اعدل مشاركاتها
البنت
عندي طلب ثاني الله يخليك
زائر
تفضلي اختي
البنت
ابيك ترسلها رساله خاصه وتقولها اني انا توسطت لها عندك علشان تزيد مشاركاتها
زائر
ليش كذا ماله داعي
قوليلها انتي طلبتي ارفع مشاركاتها ورفعتها
البنت
لالا الله يخليك تكفى طلبتك انك ترسلها
زائر
وطيب ولايهمك
وهو جالس يسأل نفسه ياربي ليش البنات بايخات كذا
ممكن تكون فيه بقيه للموضوع
سلااااااااااااااام



--------------
-------------
الحلقة الثانية



البنت
السلام عليكم

زائر
عليكم السلام
اهلين

البنت
كيفك ان شاءالله بخير

زائر
الحمدلله
وش اخبارك انتي

البنت
بخير الله يسلمك

البنت
قريت خاطرتك جنان
حلوه مره

زائر
هذا من ذوقك

البنت
زائر ممكن سؤال شخصي

زائر
تفضلي

البنت
انت بداخلك حب

زائر
اكيد كل انسان بداخله حب

البنت
وش كبره

زائر
كبر قريح

البنت
وش قريح هذا

زائر
هذا ايسكريم جديد
نزل عند باسكن روبنز

البنت
اها
اول مره اسمع فيه

زائر
اكيد اوله مره تسمعين فيه
لانه جديد

البنت
طيب ممكن سؤال خاص ثاني

زائر
اكيد تفضلي اختي

البنت
جنان كتبتها لمين

زائر
احلفي انك ماتعلمين احد

البنت
اقسم بالله مااعلم احد
يارب جعلني اموت اذا علمت احد

زائر
قولي عسى اهلي كلهم يموتون اذا علمت احد

البنت
عسى كل الي في بيتنا وكل اقاربي وكل الي اعرفهم يموتون لو علمت احد

زائر
حطي اصبعك في رقبتك وخطي خط على رقبتك بتفالك وقولي
عسى رقبتي تنقطع اذا علمت احد

البنت
قسم بالله سويت الي قلتلي عليه وحطيتي اصبعي في فمي
وسويت خط على رقبتي بريقي وعلى لساني بعد

زائر
اوكي ابعلمك الحين

زائر
كتبتها في جدتي

البنت
تتريق علي

زائر
انا ادري عنك
وش هالاسئله الي مثل وجهك
جايتني طايره احسب فيك شي
طلع كل الموضوع لقافه

البنت
الشرهه مو عليك الشرهه علي انا الي افكرك اخو
وجايه اسولف معك

زائر
ايه صح هذا من زود الاخوه جايه تسالين
ماشاءالله خوفك واهتمامك واضح
الا والله ذابحتك اللقافه

البنت
ان عاد شفتني

طخخخخخخخخخخخخخخخ
قفلت الماسنجر في وجهي بنت اللذين
بس انا اوريها


---------------
إضافه:biglaugh:


شجون
هههههههههههههههه

زائر
وش فيك تضحكين

شجون
شفت الخبل خالد الغرام

زائر
وش فيه

شجون
هههههههههههه غير اسمه من خالد الغرام للشعراوي

زائر
هههههههههههههههههه يامتخلفه شرقاوي مو الشعراوي
فضحتينا لاحد يسمعك

شجون
اها وانا افكره شعراوي

زائر
لاشرقاوي